الشفلور بطريقة جديدة
مساءكم ورد وفل اخواتي العزيزات
اليوم نقدم لكم طريقة جديدة وجميلة في نفس الوقت لطاجين
الشفلور بطريقة جديدة
نبدا على بركة الله
المقادير
نحتاج صدر دجاج + اربع الى خمس زهرات شفلور + اربع او خمس حبات بطاطا متوسطة
بيضة + ملعقة فرينة + فلفل حار ودبشة مقطعين رقيق + ملح وتوابل + ثوم
كيفية التحظير
ننزع العظم من الدجاج ونرحيه نيء في الروبو ونزيدو نرحيو الشفلور نيء ايضا
نضيف لهما بيضة + ملعقة فرينة + فلفل حار ودبشة مقطعين رقيق + ملح وتوابل + ثوم ونخلط وهاهي
نشكلها كويرات بهذا الشكل ونوعا ما كبيرة باه تعطي فخامة للطبق ونرمدها في الفرينة ونضعها في الثلاجة
نجهز المرق
نضع في قدر كبير ومسطح عظم الدجاج + نص بصلة مفرومة + ثوم
+ شوية زيت + فلفل حار + 2ورق رند +ملح فلفل اسود كسبر فلفل احمر حار
نقلي على نار هادئة ثم نضيف شوية ماء ساخن + ملعقة طماطم ونقلي
نمرق بالماء الساخن ونغطيها ونخليها على نار هادية
وفي هذه الاثناء نقشر البطاطا نغسلها نقسمها على اربع
نضع قليل من الزيت في مقلاة ونحمر البطاطا بعد ما يسخن الزيت مليح
ننزعها نضيفها للمرق بواسطة المغرف المثقوب مباشرة دون الاكثار من الاواني
وفي نفس الزيت نخرج الكريات من الثلاجة ونقليهم
مباشرة بعد ما يحماروانضيفهم للمرق
واليكم الطبق جاهز
شهية طيبة
2015-06-07, 11:33 am
